Tho' I Be Aul'

YE needa think tho' I be aul',
An' a' my bonnet haps is grey,
My heart is grizzen, crined or caul'
An' never kens a dirl the day.

A bonny lass can stirr me still,
As deep her mither did when young,
An' aul' Scots sang my saul can fill
As fu's when first I heard it sung.

...

There's some hae looks, there's mair hae claes,
That's but the brods, the beulk's the thing,
The heart that keeps for dreary days
Some weel-remembered merry spring.

The ca' me fey or ca' me feel,
Clean draft or dotit, deil may care,
Aye faur there's fun, at Pase or Yeel,
Gin I be livin' I'll be there.

Charles Murray - Tho' I Be Aul'